Anmelden
Z Signou het ds Gwärb floriert

 

 

Signou isch sinerzyt es wichtigs Gwärbzäntrum gsy. Ir ganze Gmein het me einisch 17 Wasserreder zeut, wo gloffe sy. Im Dorf hets o sit 1650 e Hutmacherei gha. Die het d Familie Lirgg betriebe, wo vo Thun uf Signou isch cho u dert über drei Generatione Hüet het gmacht u verchouft. 

O Tuechläde hets z Signou gha, genauso wie Schuehläde u
früecher o ganz mänge Schuhmacher. 

D Wasserreder hei ir Gmein Signou e ganzi Zilete Mühline aatribe. Z Schüpbach gits die ungeri Mühli, dert wo me no es auts Mühlirad vor em Huus gseht, im Dorf die oberi Mühli u de no im Schache d Schachemühli. Die isch dert gsy, wo hüt ds Silo vor Paletti isch. Ds Signou säuber isch ke Mühli gsy, d Steine-Mühli ghört nämlech scho zur Gmein Bowiu!

Berüehmt sy o d Mässer vo -Mosers z Signou gsy. Im grosse Moserhuus, z mitts im Dorf, het die Familie fasch 150 Jahr lang eso Mässer gmacht. I däm grosse Huus isch nid nume gschmidet worde, nei me het hingernache o töpferet. Im Bärndütsche müesst me eigentlich «hafnere» säge, wüu Töpfer isch es Wort, wo us em Hochdütsche chunnt. Mir hei däm gäng Hafner gseit. 

So Hafnereie sy z Signou u z Schüpbach e ganzi Zilete gsy. Nume no eini isch übrig blibe. Im Momänt isch es grad nid Mode, ds Gschiir im Dorf la z mache, me lat das Züüg lieber usem ferne Oschte la cho. 

Im aute Bärn isch Schüpbach näbe Langnou u Heimbärg ds Zäntrum vor Hafnerei gsy. Dr Lätt isch übriges dennzumale vom Schangnou cho. 

O Sagereie hets ir Gmein Signou mehrere gha. Afe einisch die z Schüpbach. Dert hani grad use-
gfunge, dass die erschti Konzession für d Wassernutzig usem Jahr 1685 stammt. Im Jahr 1825 hets de no e Konzässion für ne Fourniersagi gää. D Sagi vo Steine mues i itz o erwähne, die isch nämlech uf Signouer Bode u die gits scho lang. 1698 isch d Sagi definitiv ygrichtet worde, wüu me sech denn mit em Bsitzer vor Grossmatt het chöne
wägem Abwasser einige. Dr Kanau vo Steine uf Schüpbach isch ersch i de 1850er-Jahr usboue worde. Die dritti Sagi isch im Hopfere oder Liechtguet gsy. D Familie Bauz het dert gwärchet. Aber hüt isch die Sagi nümme. Übrig blibe isch aber ds Sagi-
Wohnhus, dä Prachtbou vo 1870, wo zersch hät söue e Wirtschaft wärde.


04.04.2019 :: Hans Minder, Lokalhistoriker
Meistgelesene Artikel
Neben ein paar vehementen Leserbriefen auf meine Texte erhielt ich auch Telefonate, briefliche...
Da gibts nichts zu blöken
Schüpbach: An der Sie- und Er-Ausstellung präsentierten Schafzüchter ihre Tiere für -einmal...
Funiciellos Motivation und Visionen
Langnau: Tamara Funiciello war zu Gast am traditionellen Fondueabend der SP Region Langnau. Die frisch...
Verena und Johann Hofer können  die Gnadenhochzeit feiern
Arni: «Es hatte viele schöne Männer in der Trachtengruppe – ich habe mich für...
Drei junge Damen, eine Leidenschaft: Unihockey, vom Förderkader an die WM
Unihockey: Eins haben die drei jungen Frauen gemeinsam: die grosse Leidenschaft fürs Unihockey. Sonst...
Wochen-Zeitung
Brennerstrasse 7
3550 Langnau i. E.
Tel. 034 409 40 01
Fax 034 409 40 09
info@wochen-zeitung.ch
Redaktion: 034 409 40 05
Öffnungszeiten:
Montag - Freitag
07:30 - 12:00 Uhr
13:30 - 17:00 Uhr