Anmelden
Verchehrsprojekt u wichtegi Mönsche
Verchehrsprojekt u wichtegi Mönsche Vo früecher:

Verchehrstechnisch hets z Signou zwe grossi Würf gää: Afe einisch um 1860, wo me d Ysebahn vo Gümlige uf Langnou het boue u de i de 1970er-Jahr, wo Signou u Schüpbach sy umfahre worde. Beide Bou-gschichte sy sehr schpannend. Signou isch politisch i de 1840er-Jahr radikau gsy. Gfeller u Schänk sy zwöi Stichwort. Die beide Herre sy massgäblich beteiligt gsy a dr politische Arbeit bir Gründig vom Bundesstaat im Jahr 1848. Dr Schlosser Wiedmer, dr Chefredaktor vom Ämmitauer Blatt, het ds Signou gwohnt u gschribe. Är het mit spitzer Fädere gäge die Konservative gschribe; bsungerbar dr Pfarrer Bitzius z Lützuflüh het ihms gar nid chönne. 

Eis grosses Verchehrsprojekt isch aber gstorbe: es wäre no e Schmauspurbahn vo Signou über Eggiwiu u Röthebach uf Stäffisburg planet gsy. Aber da isch du dr Erscht Wäutchrieg drzwüsche cho u die Sach isch erlediget gsy. I schaffe ja im
Momänt o amene Buech über Schangnou. Für die Bahn z betribe, hät me wöue ds Räbloch stoue u im Schangou a grosse See mache. Dr Strom wäre de o für die Bahn gnützt worde. Drum gits Schangnou hüt no. Für my isch es no wichtig, dass o d Gschicht vor Landwirtschaft drin usfüerlech besproche wird. Schliesslich sy no vor 150 Jahr fasch 95 Prozänt vo de Signouer Bure gsy, sogar dr Pfarrer het no e Chue gha. Die Gebiet im obere Rainsbärg u uf dr Ofenegg sy no vor 1798 Aupe gsy, wo me nume im Summer bewirtschaftet het u em Schloss Signou ghört hei. Drgäge isch de uf dr Egg u dr Höchi scho gäng intensiv buret worde. Vor 1830 het me dert Getreide aabout, nachhär het me umgsteut uf Miuchwirtschaft u het Chäs gmacht. 

Natürlech wirdeni o über d Schueu brichte, über d Lehrer u d Schüler u o wie d Schueuhüser sy boue worde. D Armesuppe isch geng so nes Thema wie o d Fabrikantevilla ds Schüpbach u die schöne moderne Ville u Eifamiliehüser, wo dr Lorenzo
Marazzi het bout. Nid vergässe wirdeni o, dass d Bewohner vor Stadt Bärn hüt no ds Wasser vo Signou trinke! D Gschicht, wie der Herr Oberscht Brunschwyler zu däm Wasser u dr Leitig nach Bärn isch cho, gäbt es eigets Buech. D Gschicht vom Signou- Märit u vo de Beize darf me o nid vergässe.  

I däm Jahr wirdeni auso die Gmein e chly vorsteue, Kapitu für Kapitu, genau so wie im Buech. I bi aber no nid fertig, es chunt fasch au Tag no öppis nöis füre!

07.02.2019 :: Hans Minder, Lokalhistoriker
Meistgelesene Artikel
Immer wieder kommt es vor, dass im Leben Kompromisse gemacht werden müssen. Sei es in der...
Einige können sich vermutlich an ein Lied erinnern, das vor etwa 40 Jahren viele Fans...
Zwei Finninnen verpflichtet
Unihockey, NLA: Erstmals in der Vereinsgeschichte werden zwei Ausländerinnen für die Unihockeyvereinigung...
Der Plan für die Räumung
Räbloch: Die Räumung des Räblochs verzögert sich. Nun ist klar, dass im Herbst die...
Es hat mehr junge Hausärzte – aber  insgesamt noch immer zu wenige
Konolfingen: Heute können sich mehr junge Ärzte vorstellen, in einer Hausarztpraxis tätig zu sein...
Wochen-Zeitung
Brennerstrasse 7
3550 Langnau i. E.
Tel. 034 409 40 01
Fax 034 409 40 09
info@wochen-zeitung.ch
Redaktion: 034 409 40 05
Öffnungszeiten:
Montag - Freitag
07:30 - 12:00 Uhr
13:30 - 17:00 Uhr