Anmelden
Ronach – e Ortsname mit aute Wurzle
Ört u Näme:

«Ronach» isch e einzigartige Ortsname. Gnau gno gits dä ir ganze Schwyz nume grad a eim Ort: Chly nördlech vo Signou. Das Gebiet, wo so heisst, isch eigentlech es zimli stotzigs Bord inere Waudliechtig. Es git mehreri Hüser, wo «Ronach» heisse u de no eis mitem Name «Ronachhüttli». Historisch gseh het sech d Schribwys vo däm einzigartige Name nie gänderet: Scho i de Amtsrächnige vo 1730 steit «im Ronach». Euteri Belege gits offebar kener meh. Wiu me sech ungerem Wort «Ronach» nid viu cha vorsteue, bini scho es paar mau nach däm gfragt worde – u chürzlech bini fündig worde. An sich besteit dä Ortsname us zwene Teile: «Ron» u «-ach». Fömer mau hinger a: D Ändig «-ach» isch an sich scho ender spezieu u sehr aut. Sie stammt us der mittuhochdütsche Sprach, wo so vo 1150 bis 1350 isch 

gebrüchlech gsy. Die Ändig het sech dür d Jahrhunderte vo «-ach» über «-ech», «-ich» zu «-i» gwandlet. Si bezeichnet
öppis, wo i grosser Aazau vorchunnt. Bim Ort «Hasli» zum Byspiu hets viu Hasustrüch gä. Dass bi «Ronach» geng no die Ändig steit isch scho erstuunlech. O am Ursprung vom erschte Teu vo däm Ortsname isch es Wort, wome sech hüt nüme grad viu cha vorsteue: «Ron» – ja, das het me hieumenang emau bruucht! Es het verschideni Variante vo däm Wort gä: Näbscht «Ron» o «Rön», «Rönen» u «Ronnen» u luschtigerwys isch das Nomen wyblech u männlech bruucht worde. Aber was meint de das Wort? Öppe so viu wie «umgheite Boumstamm, wo am vermodere isch». Mit dr Ändig «-ach» wo druf häredütet, das öppis i grosser Aazau vorchunnt, isch de klar, dass es bim «Ronach» vor langer, langer Zyt äue e grosse Windwurf het gä. Es isch guet müglech, dass das Gebiet ersch nach däm Ereignis isch urbar gmacht worde. Müglech isch o, dass d Böim sy grodet worde u me se när eifach het la lige. 

Äbefaus ufem Wort «Ron» gründet der Ortsname «Grön». I dr Gmein Bowiu, gnau gno im Steinegrabe, gits es Huus, wo eso heisst. Bekannter isch d Aup «Grön» i dr Gmein Flüehli. Die Aup liegt ungerhaub vo dr Schwändiliflueh. Scho i Queue usem Jahr 1627 isch dä Ort mit «Grön» beschriebe worde, aber denn hets dert sicher no meh Waud gha aus hüt. 

23.05.2019 :: Bruno Zürcher
Meistgelesene Artikel
Letztes Mal, als ich die Kolumne über unser Grosskind Julian geschrieben habe, erhielt ich...
In der Bibel gibt es folgende wunderbare Geschichte. Da hat jemand 100 Schafe. Eines macht nicht...
Die SCL Tigers sollen wirtschaftlich auf mehreren Beinen stehen
Langnau: Nebst dem geplanten zweiten Eisfeld bei der Ilfishalle sind weitere Projekte in der Pipeline: ein...
«Mehr aus dem Geld herausholen»
Langnau: Die SCL Tigers zählen zu den wenigen Hockeyclubs der höchsten Liga mit ausgeglichenen...
Ein Schnuppertraining mit einem Handball-Weltmeister
Handball: Mit verschiedenen Aktionen will Espace Handball Nachwuchs finden. So leitete Weltmeister Zlatko...
Wochen-Zeitung
Brennerstrasse 7
3550 Langnau i. E.
Tel. 034 409 40 01
Fax 034 409 40 09
info@wochen-zeitung.ch
Redaktion: 034 409 40 05
Öffnungszeiten:
Montag - Freitag
07:30 - 12:00 Uhr
13:30 - 17:00 Uhr