Anmelden
Öppis, wo füresteit wie bire Schnäpfe
Öppis, wo füresteit wie bire Schnäpfe Ört u Näme:

«Schnäpfenäscht» heisst e Waud nördlech vo Lützuflüeh. Weme das runde Wäudli vo wytems -aaluegt, de chönnt me scho -meine, es syg es überdimensionau grosses Vogunäscht. Ufe erscht Blick isch klar: Dä Waud heisst so, wüus dert uffäuig viu Schnäpfe het gä. Gmeint isch d Waudschnäpfe. D Voguwarte Sämpach schrybt, dass die Zugvögu öppe vo Ändi März bis Afang Septämber ir Schwyz syge. Pro Jahr tüege zwüsche 1000 u 4000 Exemplar i üsem Land brüete – ir Tendänz ender weniger. Wäge däm giut d Waudschnäpfe bi üs aus «verletzlich» u steit uf dr rote Lischte; -wäutwyt syg die Art aber nid gfährdet. Obschon dr Läbens-ruum vo dene Vögu dr Waud isch, isch ds Ämmitau mit sine grosse Wäuder hüt nid ds -typische Bruetgebiet. Me trifft dä Vogu ender im Jura a – wobi dass es äue schwierig isch, dä schüüch Vogu überhoupt einisch ds gseh: D Schnäpfe, wo Insekte u Würm frässe, sy nämlech ersch ab dr Dämmerig ungerwägs. Düre Tag verstecke si sech am Bode u sy dank ihrne Fädere chuum ds gseh. Ds Uffäuigschte a däm Vogu isch dr läng -Schnabu – nach däm isch er o benamset worde. Ds authoch-dütsche «snepf» bedütet unger angerem o, «öppis, wo füresteit». 

Genau das macht äbe d Dütig vo däm Ortsname nid ganz eifach.
I weiss natürlech nid, öbs i däm Waud früecher eso Vögu het gä. Inere Queue vo 1760 isch dä Waud aus «Schnaepffen-Naest» erwähnt. Wyter hani nume no ei Ytrag gfunge: «Schnepf» ir Gmein Trueb. Das Huus im -Fankisgrabe gits nümme, am Land säg me aber geng no so. 

Es isch bi beidne müglech, dass d Bezeichnig vo öppisem chunnt, wo füresteit. «Schnäpf» seit me unger angerem o am Spitz vom Mieder bire Tracht. Ds Gebiet im Trub gseht – mit e chly Fantasie – eso us. U dr Waud bi Lützu-flüeh steit füre, wüu dä obe ufeme Hoger isch. Dr Zuesatz «-näscht» dütet aber ender uf d Vögu aus Ursprung häre.

04.10.2018 :: Bruno Zürcher
Meistgelesene Artikel
Kolumne - Anton Brüschweiler:   Schon bald müssen wir es wieder einreichen, das unbeliebteste Dokument aller Zeiten:...
Auszeit: Wir sitzen im Kreis auf dem Bambusboden, unter einem dicken Grasdach. Der Schamane beginnt ein...
Bei einem weiteren Bauernbetrieb wird es dunkel im Stall
Zäziwil: Am Morgen des 16. März melken die Hubachers zum letzten Mal ihre 30 Kühe. Dann werden...
E wichtige Ort  bi de Schafstäu
Ört u Näme: «Schafhuse» isch äue öppe dr bekanntischt Ort, wo vo dr Bezeichnig här...
Revanche mit Torspektakel gelungen
Unihockey, NLA, Damen: Während das erste Playoff-Spiel knapp für die Burgdorferinnen ausging, revanchierten sich...
Wochen-Zeitung
Brennerstrasse 7
3550 Langnau i. E.
Tel. 034 409 40 01
Fax 034 409 40 09
info@wochen-zeitung.ch
Redaktion: 034 409 40 05
Öffnungszeiten:
Montag - Freitag
07:30 - 12:00 Uhr
13:30 - 17:00 Uhr