Anmelden
D Chochschueu het Apetit gmacht uf meh
D Chochschueu het Apetit gmacht uf meh Vo Früecher:

Chochbüecher gits gäng wie meh. I de Buechhandlige gits äxtra e Egge, wo me die Büecher us dr ganze Wäut fingt. Ds Buech vo dr Frou Rytz hets no über Jahre gä. Sie isch zwar 1848 gstorbe, aber die Bücher sy vo angere Outore geng ume ernöieret worde. No im Jahr 1923 isch es «Bärner Chochbuech» usecho, wo uf dr Rezäptsammlig vor Frou Rytz basiert, aber vonere Chochschueulehrere Julie Grüter isch usegä worde. 

Für d Chochschuele hani es Büchli vo 1921, usegä vor Schuldiräktion vor Stadt Bärn, gfunge. I däm Büchli steit aber, dass das scho die eufti Usgab syg. Mit dene Büecher hei de d Meitli afe es paar Rezäpt gha. Das, wo dert i dene Bücher isch ufgnoo worde, isch de o i de Schuele, i de Kurse u de o i de Hushautige kochet worde. D Buebe hei de speter o dörfe (oder müesse) choche lehre. I weiss no, dass mir ir Sek Zoubrügg 1973 zersch mau Buebechochkurs hei gha u dass mir bim erschte Mau Spaghetti Bolognaise hei kochet. Das hani nämlech nid kennt, aber es isch schuderhaft guet gsy. 

Teigware sy hieumenang nid vorem erschte Wäutchrieg bekannt worde. Früecher het me die müsse säuber mache, Teigware us em Sack hets no nid gä. 

Vom Tomatepüree weiss me genau wenn das isch erfunde worde: Nämlech 1874 ir Stadt Felino in der Nächi vo Parma z Italie. Churz drufache het o eine d Idee gha, die Tomate z choche u i dr Dose abzfülle. Ir Gägend vo Parma het me dert im Winter e hüfe Söi gmetzget u Schinke gmacht, im Summer het me das aber nid chönne u d Lüt hei ke Arbit ghaa. De Yfüehrig vor Tomatekonsärve isch so e Säge für die armi Gägend z Italie worde. Hüt isch aber China dr gröscht Härsteuer vo Tomatepüree. Ketchup isch o us Tomate, u bi de meischte o beliebter. O das chunnt definitiv nid us em Ämmitau, das söu es chinesisches oder malaiisches Wort sy. Us Tomate macht me das aber ersch sit 1812, denn isch das zersch Mau imene Chochbuech erwähnt. Ab 1883 isch das z Amerika z ersch Mau o induschtriell gmacht worde u de viu biuiger worde. Düre zwöit Wäutchrieg isch es de uf Europa cho. 

13.12.2018 :: Hans Minder, Lokalhistoriker
Meistgelesene Artikel
kolumne - Monika Gfeller: Nun schreibe ich hier meine erste Kolumne. Nur, was soll ich schreiben? Beim meditativen Socken...
Mehr als nur ein Scharfschütze
SCL Tigers: Eero Elo hat einen Lauf, der Stürmer traf zuletzt in drei Partien nacheinander. Ob der Finne...
Wie zu Grossvaters Zeiten
Pferdeschlitten im Wald: Um geschlagenes Holz aus dem unerschlossenen Wald zu transportieren, spannen Schang-nauer...
«So ein Fest wollen wir jetzt auch»
SCL Tigers: Die SCL Tigers kommen ihrem ganz grossen Ziel, der zweiten Playoff-Qualifikation der...
Die Ortsnäme sy Schnee vo geschter
Ört u Näme: Früecher aube, da hets de no anger Wintere gä! Das ghört me geng wieder vo de eutere...
Wochen-Zeitung
Brennerstrasse 7
3550 Langnau i. E.
Tel. 034 409 40 01
Fax 034 409 40 09
info@wochen-zeitung.ch
Redaktion: 034 409 40 05
Öffnungszeiten:
Montag - Freitag
07:30 - 12:00 Uhr
13:30 - 17:00 Uhr